Заніжаць бардзюры ў Гомелі пачалі ў гэтым годзе

На праспекце Леніна ў Гомелі пачалі заніжаць бардзюры

Гарадскія службы пачалі заніжэнне бардзюраў на пешаходных пераходах цэнтра горада. Пакуль працы вядуцца на перакрыжаванні з вул. Сялянскай і Чырвонаармейскай.

Па словах рабочых заніжэнне можа чакаць і іншыя бардзюры на праспекце.

Перакрыжаванне пр-та Леніна і вул. Сялянскай

Адзначым, што раней гомельцы вельмі актыўна адзначалі вялікую колькасць высокіх бардзюраў і іншых перашкод на тратуарах нашага горада. Свае заяўкі неабыякавыя гараджане пакідалі на сэрвісе 115.бел, але атрымлівалі ў выніку вялізныя тэрміны вырашэння гэтых праблем. Каб прыцягнуць увагу гарадскіх уладаў актывісты нават стварылі адмысловую петыцыю.

Застаецца спадзявацца, што ў гэтым годзе праблемы развіцця безбар’ернага асяроддзя ў Гомелі будуць сярод прыярытэтаў кіраўнікоў гарвыканкама.

На праспекце Леніна, як і ў цэлым па ўсім горадзе, яшчэ хапае пешаходных пераходаў з вялікімі бардзюрамі якія ўскладняюць перасячэнне дарог. На фота — перакрыжаванне пр-та Леніна і Сялянскай

Урбаністычная ініцыятыва «Smart Homel» будзе сачыць за развіццём падзей.

Автор записи: Caesar

Добавить комментарий

Ваш e-mail не будет опубликован. Обязательные поля помечены *